南洋「豐」味札記

小編最近睇到報導，知道全球正面臨「椰子危機」。咁究竟係咩嚟呢？原來，近年極端天氣頻頻出現，直接令到全球椰子供應短缺。泰國、菲律賓、印尼、斯里蘭卡等世界主要椰子產地都遭遇乾旱、熱帶氣旋等自然災害，椰子樹長承壓嚴重，產量大幅下降，椰子產品供應同埋品質都大受影響。聽講，呢場短缺危機正席捲全球椰子產業鏈。

由於椰子持續短缺，一啲經營東南亞餐飲嘅業內人士表示，近來只可以為顧客提供平日用量一半嘅傳統美食。

好多椰子嘅產地，已經陸陸續續實行相應措拖嚟面對呢場危機。譬如喺印尼，椰價暴漲百分之一百五十，當局正考慮實施三至六個月出口禁令。而喺斯里蘭卡，椰子批發價同比翻倍，當地政府已經批准進口椰肉緩解危機。至於馬來西亞部分商家，就計劃停業緩解困境，政府更加建議用奶油替代椰奶。

但係，呢啲平身盛產椰子嘅地區，民眾梗係不情願啦。佢哋認為，椰奶係傳統美食嘅靈魂，替代品只會令美食遺失風味㗎。
小編鍾情東南亞烹調，又係椰子控一名，真心希望呢場椰子危機快啲結束，餐飲業者以至食客食家唔好再受影響，冇得享受正宗嘅南洋風味啊！